Me trajnimin e Master Praktikant, ju pajiseni me kompetenca të reja për të arritur suksesin, si në jetën personale edhe në atë profesionale. Vlerën e transformimit tuaj do ta ndjeni dhe shikoni jo vetëm ju, por edhe familjarët, fëmijët, miqtë, klientët tuaj, sepse ju bëheni shembulli dhe frymëzimi i tyre.

Modul 1: Orientim drejt qëllimit

Për ta pasur më të lehtë, para se të fillojmë, shkurtimisht do të rifreskojmë njohuritë nga NLP Praktikant, vazhdojmë me vendosjen e qëllimeve tuaja, ku mësojmë se si mund të përdorni modelin META inverse, me qëllimin që personin ta drejtoni drejt transformimit dhe rezultateve që ai dëshiron.

Modul 2: Riformatimi dhe magjia e fjalës

Me këtë trajnim mësoni se si duke përdorur magjinë e fjalës, ndihmoni veten dhe të tjerët të largojnë vëmendjen nga problemi, duke pasur fokusin tek rezultati përfundimtar që doni të arrini. Me anë të komunikimit drejtoni fokusin për të marrë informacione se si të ndryshoni bindjet kufizuese dhe për të arritur atë çfarë ndoshta për momentin, ju duket e pamundur.

Modul 3: Meta programi

Me këtë trajnim thellohemi më shumë tek META programi, i cili ju ndihmon që të kuptoni veten dhe të tjerët në nivele shumë të thella. Me anë të këtyre njohurive, ju arrini të kuptoni shumë shpejt modelet e funksionimit të nejrëzve që u rrethojnë dhe pse ata veprojnë ashtu si veprojnë. META programi ju ndihmon që të kuptoni se cilat programe ju ndihmojnë në rrugëtimin tuaj dhe cilat programe ju pengojnë, duke i lënë ato pas vetes një herë e përgjithmonë.

Modul 4: Strategjitë dhe rastet e modelimit

Me këtë trajnim thellohemi tek strategjitë psikologjike dhe cili është roli i tyre në krijimin e hartës së brendshme. Ju mësoni strategjitë për të mësuar, strategji motivimi, vendimmarrje, bindje, vetëbesimi, strategji të qenit karizmatik dhe shumë të tjera.

Modul 5: Bindjet kufizuese

Me këtë trajnim mësoni se çfarë janë bindjet, si ato krijohen, si ato funksionojnë dhe si ne funksionojmë bashkë me to. Cilat janë karakteristikat e tyre. Gjithashtu mësoni se si bindjet kufizuese t'i ndryshoni për të mos qenë më pengesë në këtë proces transformimi dhe gjatë udhëtimit tuaj drejt suskesit

Modul 6: Vlerat

Me këtë trajnim mësoni se çfarë është ajo që ndikon tek ajo se çfarë dhe si e arrijmë në jetën tonë. Mësoni si të kuptoni vlerat e vërteta të një personi duke i renditur ato sipas hierarkisë së botës së brendshme të një personi dhe si ato t'i ndryshoni. Mësoni se cilat vlera të fuqizoni, cilat të ndryshoni dhe PSE-në e fuqishme të këtij ndryshimi, duke u lidhur kështu me bërthamën tuaj të vërtetë.

Modul 7: Hipnoza

Gjatë këtij trajnimi thelloni edhe më shumë njohuritë për modelet hipnotike dhe induksionet e ndryshme. Mësoni se si të përdorni në jetën e përditshme modelet dhe teknikat hipnotike të modelit Milton, si të jeni ju që keni në kontroll veten dhe drejtoni bisedën. Me modelin Milton mësoni se si të përdorni në mënyrë automatike teknikën e terapisë regresive. Gjithashtu gjatë këtij trajnimi do thellohemi edhe më shumë tek teknika Timeline, të cilën e përdorni për ndryshimin e botës së brendshme.

Modul 8: Metafora dhe historitë

Me këtë trajnim mësoni se si të përdorni metaforat dhe historitë e ndryshme, nga jeta juaj e përditshme, gjithmonë me qëllimin për të arritur rezultatet që dëshironi, si dhe të drejtoni të tjerët drejt rezultateve që ata dëshirojnë. Gjatë këtij trajnimi mësojmë metaforat izomorfike dhe homorfike dhe si ato t'i përdorim. Historitë dhe përdorimi i metaforave, për të pasur sukses në botën e biznesit është kthyer në domosdoshmëri. Gjithahstu këto modele i përdorni për të ndihmuar të tjerët që ata të arrijnë rezultatet që ata dëshirojnë.

Modul 9: Integrimi

Me këtë trajnim mësoni se si e shtrembërojmë kohën, sepse kjo gjë në raste të caktuara, mund të jetë shumë e dobishme. Mësoni se si me anë të nënmodaliteve të avancuara, arrini ndryshime tek vetja tuaj, si dhe ndihmoni të tjerët, kur vini re një konflikt në botën e brendshme. Të gjitha njohuritë që merrni modul pas moduli, arrini t'i integroni dhe t'i aplikoni në fusha të ndryshme të jetës suaj.