Grua e lumtur

30 MARS 2025

Me grupin e radhës fillojmë në 30 Mars 2025
Regjistrimet janë të hapura.
Vendet janë të kufizuara.

Takimet LIVE janë çdo të Dielë, ora 20:30

Regjistrimet e fundit deri në 30 Mars 2025

Çfarë unë ofroj me këtë TRAJNIM 4 MUJOR?

Lexoni më poshtë.

€399 or 3 monthly payments of €150

Grua e lumtur

E ke të vështirë të gjesh kohë për veten?
Nuk di si të vendosësh veten në vendin kryesor?
Të duket sikur gjithmonë vrapon?
Ndihesh e stresuar dhe shpesh të duket sikur nuk ke më fuqi?
Di vetëm të japësh, qoftë fëmijëve, partnerit, miqve, prindërve, të afërmve, punës, duke harruar personin më të rëndësishëm, VETEN?
Nga e kaluara jote ke disa kujtime dhe përvoja aspak të këndshme, ndoshta edhe trauma, dhunë, abuzime?
Vetes i jep kohë, nëse ngelet kohë?
Nuk di të thuash “JO”?
Nuk di të jesh pak lozonjare dhe sensuale?
Të thonë “sa e vështirë që je”, apo që “je shumë serioze”?
Ndonjëherë ndihesh në faj?
Pavarësisht se dikush të lëndon, nuk ndjen zemërim apo ndjesi të tjera?
Ndjen boshllëk dhe të duket sikur jeta është pa kuptim?
Ndoshta ndjen shumë trishtim.....

Do doje të përjetoje më shumë gjendje dhe momente qetësie, gjendje relaksi?
Do doje të ishe më e kënaqur me veten?
Do doje që brenda vetes të ndjeje me shumë gëzim, lumturi, kënaqësi?
Do doje t'i tregoje botës vlerat e tua dhe atë se kush vërtetë ti je?

Do të ndihesh:
(më) e sigurt dhe të kishe më shumë ndjesira të ndryshme brenda vetes,
(më) e fortë, e mbushur me dashuri, (më) stabile dhe e qetë?
Do të shikohesh dhe të kuptohesh, por njëkohësiht të provosh emocione të bukura?
Do të jesh ajo femra lozonjare, e qetë, e hapur, e ndjeshme, sensuale dhe plotë jetë, si dhe të japësh dhe të marrësh dashuri?

REGJISTROHU KETU

Nëse e do gjithë këtë transformim kuptimplotë, ti je në vendin e duhur!

Eja të mësosh se:

si mund të bëhesh ajo gruaja që ndihesh e plotësuar ashtu si do ti, dhe e mbushur plotë dashuri,
si mund të shërosh plagët dhe dhimbjet dhe si mund të procesosh modelet aspak funksionale për t'i ndryshuar në modele që të ndihmojnë gjatë rrugëtimit tënd,
si mund të ndërpresësh kalimin e këtyre përvojave që vazhdojnë të të lëndojnë, brezave në vazhdim,
si të fillosh të ngresh me vetëdije të plotë marrëdhënien më të bukur të dashurisë, atë të dashurisë me veten dhe me të tjerët, duke u ndjerë më në fund e sigurt si dhe mbështetsja më e mirë e vetes.

Ndihesh e pafuqishme, fajëson veten, (nuk) ndjen zemërim, inat, zhgënjim, e të tjera, apo thjesht je e pakënaqur nga gjithçka?
Je gjithmonë duke vrapuar, herë pas here humbet kontrollin, apo u shmangesh mundësive të ndryshme, sepse mendon që nuk e meriton, sepse nuk shikon vlerën tënde?
Je e mbyllur në vete, e ftohtë, nuk lejon askënd të futet në botën tënde, por nga ana tjetër je e etur për dashuri, të mungojnë ledhatimet, prekjet, darkat e këndshme, marrëdhëniet e bukura?

Atëhere edhe një herë të them:
TI JE NE VENDIN E DUHUR!

Ne gratë duam të jemi nëna më e mirë për fëmijët tanë, duam të jemi partnerja më e mirë, mike, familjare, vajzë, motër, hallë, teze e mirë, punonjëse, shefe e mirë, e shumë të tjera, ... duke harruar veten.

Jam e sigurt që kjo gjë vlen edhe për ty. Kjo është arsyeja që ti je tani këtu.

Megjithatë, nëse nuk jemi në gjendje të vëzhgojmë brendinë tonë, nëse nuk jemi as të vetëdijshme që jeta jonë komandohet nga modelet e pavetëdijshme, atëherë për fat të keq në mënyrë të pavetëdisjhme, jetojmë edhe në vazhdimësi me ato gjëra që në fakt nuk do donim t'i kishim, si dhe vazhdojmë të investojmë për gjëra që nuk i duam, vazhdojmë të investojmë për marrëdhënie që na dëmtojnë.

Me siguri që tani pyet veten nëse ti mundesh të vazhdosh edhe më tej kështu, apo derisa do mund të mbash më shumë?

Unë të them që ndoshta edhe mundesh, por cili është çmimi që ti po paguan?

Pse të vazhdosh të jesh e pakënaqur, kur mjafton të mësosh se si të kapërcesh këto modele aspak të shëndetshme?

Ti je këtu sepse

Unë mendoj se ti mendon ndryshe nga shumica

Ti je këtu sepse do të shkëlqesh, sepse do të JETOSH e lumtur dhe të gëzosh momentet e ditëve të tua, sepse do të zgjohesh me buzëqeshjen në buzë, sepse do të ndjesh si e mbush dhe zbukuron shpirtin tënd.

Për të arritur këtë gjë, fillimisht ke nevojë të njohësh veten dhe çfarë ty të zbras shpirtin dhe çfarë atë ta plotëson.

Për të arritur këtë gjë, ke nevojë të kuptosh se çfarë dhe si ndikon ajo gjë në sistemin tënd nervor, tek hormonet, si dhe çfarë të thith energjinë, çfarë të mbush me energjinë që ty të jep jetë.

Për të arritur këtë gjë, ke nevojë të kuptosh se çfarë të ul vetëbesimin dhe çfarë të ndihmon që ta përqafosh jetën gjithë konfidencë, njëkohësisht pa humbur aspak energjinë dhe vlerat e tua.

Eshtë e thjeshtë kur i lejojmë vetes të ndjejmë ato çfarë ndjejmë dhe të jemi ato që jemi.

..por të qenit vetëvteja, ne kemi nevojë që ta mësojmë!

Imagjino sikur:

të njihje teknika për të qetësuar dhe mbështetur veten, ashtu si askush tjetër nuk të mbështet
të njihje hapat për të ndryshuar ndjenjën e fajit, pafuqinë, dëshpërimin, për të larguar ndjesinë se ti nuk mund të bësh diçka për të ndryshiar një situatë, dhe kjo duke qenë e qartë, e prerë dhe e vendosur
të dije të thoshe JO pa u ndjerë keq, si dhe të tjerët të pranonin kufijtë e tu
të dije të relaksoheshe duke qenë njëkohësisht edhe në kontakt me veten
të dije të kapërceje kritikat pa vend dhe bllokadat e brendshme, duke pranuar veten me shumë dashuri
të kishe shtylla të fuqishme mbi të cilat të mbështeteshe në momentet kur ndihesh e pafuqishme, në momentet e vështira, për tu ndjerë përsëri e fortë, pa humbur besimin tek vetja
të ishe më e vetëdijshme për dhimbjet e tua emocionale duke filluar hap pas hapi shërimin e tyre
të njihje teknika se si të zbulosh traumat e tua (edhe ato të fshehura), duke filluar që ato t'i largosh nga trupi, si dhe t'i japësh vetes ato gjëra për çfarë ti ke nevojë
të njihje veten, si dhe të dije të kujdeseshe me shumë dashuri për trupin, mendjen, shpirtin, si dhe të kujdeshe për veten në çdo drejtim

Kush jam unë që të më besosh?

Shpresa Rupar:
Life & Business Coach,
Trajnere e Programimit Neuro-Linguistik & Hipnoterapiste

Coach: Life and Business Coach, e licensuar dhe akredituar me disa certifikata ndërkombëtare nga disa institucione prestigjoze
Master Practitioner e kualifikuar dhe akredituar nga The Institute of Neuro-Linguistic Programming, SHBA.
Trajnere Ndërkombëtare e Programimit Neuro Linguistik, e kualifikuar dhe akredituar nga The Institute of Neuro-Linguistic Programming, SHBA.
Hipnoterapiste: E kualifikuar dhe akredituar nga The Institute of Neuro-Linguistic Programming, SHBA.
Grua biznesi: Themeluese e kompanisë Maxi Travel sh.p.k. & Consulting s.p. (Shpresa Rupar), me qendër në Slloveni.
Konsulente e biznesit
Krijuese dhe autore e disa programeve edukimi Online ('Si të rrisim fëmijë me besim tek vetja', 'Si të ndimojmë fëmijët me ankth', 'Vetëhipnoza', 'Manifestimi i parasë', 'Konfidenca dhe vetëvlerësimi', 'Hipnoterapia'), si dhe e vetmja trajnere shqiptare që ofron trajnime të akredituara dhe të licensuara të Programimit Neuro-Linguistik, nga The Institute of Neuro-Linguistic Programming, në gjuhën shqipe
Organizatore e trajnimeve & seminareve të ndryshme. Folëse
Autore e librit: Duaje veten, dashuro jetën!
Autore e librit: Fëmijë konfident
Autore e librit: 7 këshilla për edukimin e fëmijëve
Autore e librit: Si të komunikojmë me njerëzit negativë
Mësuese
Përkthyese
Blogere
Kurioze, analiste, nxënëse e përjetshme, nënë, bashkëshorte, motër, mike

Por gjithçka më lart nuk ka lidhje vetëm me kujdesin për veten.

Bëhet fjalë për ndryshimin e qëndrimit që ke ndaj vetes, për qëndrimin që mban ndaj trupit tënd dhe me sa kujdes dhe respekt atë e trajton.
Bëhet fjalë për marrëdhëniet me të tjerët, si dhe për qëndrimin dhe qasjen që ke ndaj botës që të rrethon.

Unë e di që ti do t'i japësh vetes mundësinë për të ndjerë më shumë siguri, ti do që brenda vetes të kesh ndjesinë që ndihesh e pranuar, ndjesinë e dashurisë, ndjesinë që ke vlera, si dhe të ndihesh e vlerësuar.
Besoj shumë se kam të drejtë :)

Shumica e grave, të cilat shpesh përballen me shumë sfida,
mendojnë se është e pamundur të krijosh një jetë të qetë,
mendojnë se është e pamundur të ndihesh e sigurt

në një ambjent kaq negativ dhe paragjykues,
mendojnë se është e pamundur të ngresh marrëdhënie të shëndetshme

si dhe të kesh rreth vetes njerëz të cilëve u beson dhe të besojnë,

mendojnë se gruaja shqiptare nuk i ka mundësitë

e rritjes dhe zhvillimit të vetes,

nuk i ka mundësitue që të investojë për

ato gjëra që atë e plotësojnë,

mendojnë se kultura dhe mentaliteti

do ta mbysin dhe ajo kurrë nuk do t'ia dalë.

Por, dua të të them që ekziston një e vërtetë shumë e vërtetë:
Udhëtimi nga vendi ku ndoshesh tani,

deri në vendin ku dëshiron të jesh është shumë më i shkurtër

dhe shumë më i lehtë se sa ndoshta mendon tani.

Dakord Shpresa, por si?

Unë dua të jem ajo që të ta tregoja se si.
Të kuptoj si ndihesh, se edhe unë kam qenë dikur aty ku ti ndodhesh sot.
Po njësoj janë ndjerë edhe shumica e zonjushave dhe zonjave, që tashmë me ndihmën time kanë nisur një rrugëtim të ri, kanë krijuar një karrierë komplet të re, kanë ndryshuar dinamikën e familjes, por mbi të gjitha kanë ndryshuar dinamikën e tyre, kanë ndryshuar qasjen me veten.

Nëse më pyet pse të zgjedh apo pse të vendos për ty....

Unë të them me garanci të plotë që kam njohuri të fushave të ndryshme, të cilat më bëjnë të ndihem mjaft konfidente për atë që ofroj, çdo ditë mbaj seanca individuale (seancat individuale jo kushdo i ofron); - klientet e mia kanë problematika dhe sfida të ndryshme. Gjithashtu kam edhe një dëshirë të zjarrtë për të ndihmuar zonjat dhe zonjushat, sidomos ato shqiptare, të cilat po ashtu ndeshen me problematika të ndryshme, disa nga këto problematika të një natyre komplet tjetër nga gruaja e vendeve perëndimore.
Unë të ndihmoj edhe nëse ti thjesht kërkon më shumë nga jeta dhe e ndjen që ka ardhur koha për ndryshim.
Shumë zonja e ndjejnë që ka ardhur koha kur ato nuk kanë më kohë të presin.

E di që edhe ti je këtu për këto ndryshime për më mirë, ndryshime që të çojnë në një nivel tjetër!

Për ty dhe gjithë zonjat e tjera që duan ndryshimet për (më) mirë, kam krijuar këtë program 6 mujor, i cili hap pas hapi, nën drejtimin tim, të ndihmon të ndryshosh marrëdhënien me veten, të ndihmon të jesh shumë më dashamirëse me veten, të ndihmon të gjesh forcën e brendshme për ndryshimet që ti dëshiron në jetën tënde.
Unë dua që çdo grua të jetë shembull dhe model për shumë zonjusha dhe zonja të tjera, të cilat gjithashtu dëshirojnë të zbulojnë vlerat e tyre, si dhe të gjejnë forcën e tyre të brendshme për të arritur të gjitha këto.

E vetmja gjë që mund të të them është:
Nuk ka rëndësi si jeton tani, nuk ka rëndësi se çfarë marrëdhënie ke për momentin me veten.

UNE E DI që shumica e grave janë vetëm një hap larg krijimit të jetës që ato ëndërrojnë, duke filluar me ndryshimin e marrëdhënies me veten. Gjithashtu dua të dish që mënyra dhe qasja që ke me veten është shumë e rëndësishme, sepse ashtu si e trajtojmë veten, po ashtu na trajtojnë edhe të tjerët, na pëlqen apo jo, kjo është një e vërtetë e pamohueshme.

E dashur grua, me ato çfarë ndaj me ty në këtë trajnim 4 mujor, ky transformimi i thellë dhe në disa nivele, është shumë i mundshëm!

Qasjen me veten e ke çdo moment.
Ti jeton në trupin tënd.
Ti çdo moment ke mendime.
Ti çdo moment je me brendinë tënde.
Ti mund të shmangësh kontaktin me gjithë botën e jashtme, por kontaktin dhe qasjen me veten, nuk e shmang dot kurrë!
Gjithashtu dua të dish që ky është një fillim dhe një rrugëtim fantastik për rritjen dhe zhvillimin personal, për ndryshime për më mirë, ndryshime nga të cilat përfitojnë edhe më të dashurit e tu.

Tematikat kryesore

Trajnimi ka 6 tematika kryesore:

Siguria

Shumica e zonjave me të cilat kam punuar dhe punoj, ndihen shumë të pasigurta, siguri që ato, në mënyrë të pavetëdijshme e kërkojnë në botën e jashtme, siguri që ato e kërkojnë duke kërkuar kuptimin e jetës së tyre tek kuptimet dhe ngjyrimet që u ofron dikush tjetër.
Megjithatë, në ditët e sotme, pa e pasur këtë burim brenda vetes, bota e jashtme, e cila ndoshta këtë siguri, as vetë nuk e posedon, na shkatërron.
Këtë lloj sigurie ne e gjejmë në trupin tonë, kjo lloj (pa)sigurie është rezultat i marrëdhënieve që kemi pasur duke filluar me ata që janë kujdesur për ne në familjen primare. Nëse këtë ndjesi sigurie nuk e kemi marrë dikur, është e nevojshme të gjejmë mënyra se si ta krijojmë brenda vetes. Kjo është një dhuratë për veten, që gjithësecila prej nesh e meriton. Njëkohësisht gjatë këtij udhëtimi, përballja me frikërat tona është e pashmangshme, por dua të dish që kjo është një përballje që na shëron.

Inteligjenca emocionale dhe empatia

Aftësia për të kuptuar njeriun, është një aftësi që nuk ka çmim. E kam fjalën për të kuptuar jo vetëm fëmijët, partnerin apo njerëzit e tjerë që na rrethojnë, por fillimisht dhe mbi të gjitha për të kuptuar veten, sepse zakonisht i kushtojmë shumë kohë, vëmendje apo gjithçka të tjerëve, duke harruar personin më të rëndësishëm, veten.
Kjo aftësi na ndihmon, jo vetëm që të ngremë marrëdhënie të shëndetshme me të tjerët, por edhe të jetojmë një jetë që na plotëson.
Inteligjenca emocionale i jep gruas përparësi në çdo fushë të jetës, duke e bërë shpesh rolin e saj të pazëvendësueshëm, si brenda familjes por edhe më tej. Empatia është forma më e lartë e inteligjencës, për të cilën bota sot ka shumë nevojë.

Komunikimi: Fuqia e gruas

Komunikimi me dashuri, sidomos komunikimi me veten do ketë një vend të veçantë gjatë gjithë trajnimit, sepse është e rëndësishme që gruaja të jetë e fuqishme dhe këtë gjë ta tregojë, por jo duke u treguar e ashpër. Një grua e fortë është stabile, e komunikueshme, e qartë, e prerë, e qetë, e hapur për biseda dhe qasje ndryshe. Pavarësisht këtyre, edhe kjo grua ka nevojë për themele të qëndrueshme, si dhe teknika që të dijë si të kthehet gjithmonë tek vetja dhe fuqia e saj, pavarësisht stuhive, sepse ne e dimë që duam apo nuk duam, ngjarjet nga jashtë herë pas here, pavarësisht gjithçkaje që ne bëjmë, na lëkundin themelet.

Energjia femërore

Kjo tematikë shumë e bukur dhe e rëndësishme, është se si të gjejmë energjinë femërore, brishtësinë, butësinë, sepse forca e një femre qëndron pikërisht tek brishtësia dhe qetësia e saj, gjendet tek të qenit e hapur si një trëndafil i bukur. Shumica e grave këto gjëra i fshehin, mbyllin zemrën dhe shpirtin e tyre, sepse në të kaluarën janë lënduar, janë zhgënjyer dhe kanë frikë sepse mund të lëndohen përsëri.

Guximi dhe konfidenca

Shumë femra frikën dhe turpin e kanë pjesë të strukturës së tyre, e kanë të vështirë të dalin jashtë kufizimeve dhe rregullave që dikush tjetër ka vendosur për to, dhe kjo pa miratimin e tyre, sepse edhe kjo gjë është rezultat i mënyrës së edukimit, si dhe rezultat i përvojave të ndryshme.
Me këtë tematikë të bukur dhe me gjithçka keni mësuar deri tani, ju do keni aftësinë të guxoni, të shfaqeni në arenë pa pasur turp, do arrini t'i lejoni vetes të shpreheni, të kërkoni ato çfarë ju doni, të punoni dhe të qëndroni pas atyre gjërave që u plotësojnë, sepse fatkeqësisht shumë femra fshihen dhe heshtin duke gëlltitur ato çfarë janë të dëmshme për to, fshehin të vërtetat, dëshirat dhe dhimbjet e tyre. Ka ardhur koha të thoni mjaft.

Autenciteti. Qetësia

Nëse fshehim pjesë të vetes, nëse nuk jemi të qarta për atë që duam, nëse nuk jemi të sinqerta dhe autentike, atëherë personi në anën tjetër tjetër, nuk mund të ketë një marrëdhënie të shëndetshme me ne.
Kjo është arsyeja se pse është shumë e rëndësishme që të jemi në gjendje të shprehim të vërtetën, emocionet, ndjenjat dhe mendimet tona, pa i fshehur ato.
Me kaosin që na rrethon, është e rëndësishme të dimë si të gjejmë paqen e brendshme, sepse vetëm kështu mund të jemi ajo anija e sigurt që mund të lundrojë e qetë, vetëm kështu jemi mbështetja me e mirë e vetes, por edhe për të më të dashurit tanë.
Kjo qetësi është gjëja më me vlerë që mund t'i japim vetes, por është gjëja më me vlerë edhe për fëmijët, nëse keni fënijë, si dhe për njerëzit që janë të rëndësishëm për ne.

Si është i organizuar trajnimi?

Së bashku jemi 30 Mars 2025 - 6 Korrik 2025.

Çfarë përmban trajnimi?

26 VIDEO të regjistruara,
50 ushtrime në formatin PDF,
16 AUDIO Hipnoterapi (të regjistruara)
16 takime LIVE (ZOOM) - çdo të DIELE, ora 20:30 të cilat i mbyllim me një meditim

Gjithçka çfarë ndaj me ju, VIDEO/AUDIO të regjistruara, si edhe takimet 90 minutëshe, ONLINE (Zoom), do të jenë në platformën brenda programit, ku keni qasje të përhershme vetëm ju. Gjithçka do jetë e ruajtur në formatin Video, Audio dhe PDF.

Gjatë trajnimit, me ju ndaj materiale ku shpjegoj funksionimin dhe lidhjen e trupit me trurin dhe si traumat apo përvojat e fëmijërisë ndikojnë në gjendjen tonë fizike apo mentale.

Përveç funksionimit të sistemit nervor dhe ndikimit të tij tek sistemi imunitar, me ju ndaj burimet e ndryshme të traumave, për të cilat fatkeqëssiht flitet shumë pak. Fokusi do të jetë tek traumat e padukshme, që shkakotohen si rezultat i marrëdhënieve dhe lidhjeve që (nuk)kemi pasur në fëmijërinë tonë, dhe si kjo gjë ndikon tek emocinet dhe në jetën tonë tani dhe këtu.
Gjithashtu do flasim për ndikimin e traumës tek ndjesitë, tek gjendja emocionale, tek marrëdhëniet ndërpersonale dhe se si trauma lidhet me (mos)kujdesin për veten.
Unë e besoj se në asnjë grup tjetër, nuk do të merrni kaq shumë njohuri dhe materiale të vlefshme duke lidhur gjithçka si një të vetme.
Në 8 vitet e fundit pune intensive me klientin, pa përjashtuar edhe studimet shtesë të cilat janë pjesë e përditshmërisë sime, kam bërë së bashku gjithçka, në mënyrë që me një paketë, të gjeni zgjidhje për shumëçka.

Çfarë tjetër?

Ushtrime somatike, sepse trupi ynë ruan gjithë përvojat tona. Trupi është kanali nëpërmjet të cilit largojmë bllokadat e ndryshme si në nivelin emocional, psiqik dhe energjitik.

Ushtrimë të frymëmarrjes, sepse frymëmarrja ndihmon për të qetësuar sistemin nervor. Me ju ndaj mënyra të ndryshme frymëmarrje, të cilat të ndihmojnë të jesh më në kontakt me veten, me momentin këtu dhe tani, ushtrime që të lehtësosjnë ditën dhe jetën e përditshme.

Ushtrime të sistemit nervor, sepse sistemi nervor ndikon në mirëfunksionimin e gjithë organizmit, duke përfshirë këtu edhe sistemin imunitar.

Vizualizimi, i cili është një kanal tepër i rëndësishëm dhe me vlera të jashtëzakonshme. Me anë të këtij kanali ne i ofrojmë fëmijës së brendshëm, ato çfarë ai fëmijë nuk ka marrë ndoshta kurrë, ose i ka marrë në mënyrë të gabuar. Me anë të këtij kanali krijojmë ndjesinë e dashurisë, dashamirësisë, mbështetjes që dikush ndoshta në jetën e tij, kurrë nuk e ka ndjerë.

Ushtrime me pyetje të ndryshme. Çdo javë për ju kam përgatitur ushtrime me pyetje të ndryshme, të cilat u ndihmojnë të thelloheni edhe më shumë në brendësinë tuaj. Këto ushtrime, duke i kombinuar me gjithçka tjetër çfarë përmban programi, janë mënyra më e bukur dhe më e dobishme për të shëruar bërthamën tuaj, duke qenë shumë më dashamirëse ndaj vetes, duke qenë shumë më empatike edhe ndaj njerërzve, duke përfshirë këtu edhe ata që fizikisht ndoshta sot nuk janë më mes nesh.

Terapi grupi. Çdo javë, në takimet LIVE ONLINE (Zoom), përfshij edhe terapinë e grupit, ku ju drejtoj me pyetje të ndryshme të ndani ato gjëra që ndoshta, për arsye të ndryshme, askujt nuk ja keni besuar. Në 4 mujorin që jemi bashkë, këto takime janë të vetmet pjesë që nuk regjistrohen, pra janë vetëm për zonjat pjesëmarrëse. Kjo është edhe arsyeja se pse këto takime fillojnë në orën 20:30, ku në fund e mbyllim me një meditim për të pasur një natë sa më të qetë.

BONUSE

Gjithashtu në fund të programit, në mënyrë që udhëtimin tuaj ta keni shumë më të lehtë edhe më tej, u presin 16 AUDIO - Hipnoterapi, të cilat mund t'i shkarkoni në telefonin tuaj dhe janë me ju sa herë që keni nevojë.

Kapërceni fëmijërinë problematike
Kapërceni të qenit një fëmijë i uritur për dashuri
Faleni veten
Shprehni emocionet tuaja
Menaxhoni zemërimin
Zhvilloni edhe më tej inteligjencën emocionale
Largoni ndjesinë e fajit
Kapërceni pagjumësinë. Flini si bebe
Kapërceni frikën nga refuzimi
Vendosja e kufijve. Mësohuni të thoni JO
Kapërceni sindronim e “vajzës së mirë”
Kapërceni turpin
Shërojmë veten nga kujtimet negative
Flisni gjithë besim tek vetja
Kapërceni zvarritjen
Zbuloni motivimin e brendshëm

Ky trajnim ndryshon jetën tënde

Trajnimi 4 mujor, GRUA E LUMTUR, ndryshon jetën tënde, sepse të garantoj që me ty ndaj jashtëzakonisht shumë materiale të ndryshme.

Gjithësesi, as ky program ashtu si çdo program tjetër nuk bën “MREKULLIRA”, nëse edhe ti nuk bashkëpunon, nëse nuk je aktive, nëse nuk bën pjesën tënde. Nëse ti je aktive të paktën 60% të programit, unë e di që jeta jote ndryshon në shumë drejtime, ndryshime që ti tani as nuk i imagjinon.

Dua të dish që nga çdo trajnim i kësaj natyre, ti merr po aq sa kohë investon.

Në momentin kur ti punon, jam e sigurt që me këto njohuri, ushtrime, teknika, pra gjithçka që ndaj me ty, do ndryshosh jetën duke ecur në drejtimin që ti dëshiron.

Unë jam me ty, unë të mbështes, por unë nuk mund të bëj pjesën që të takon ty.

Je gati të të drejtoj?
Më lejon të të mbështes?

Atëhere bëhu pjesë e grupit.
Fillojmë në 30 Mars 2025!

Pyetjet më të shpeshta

Kam provuar disa herë deri tani, por asgjë nuk funksionon.
Shumica e njohurive, metodave që të tjerët ofrojnë, e kanë fokusin tek ndryshimi i sjelljeve, veprimeve të padëshiruara. Unë fokusohem tek shkaku, dhe jo vetëm tek simptoma, e cila është vetëm tregues që pas saj fshihet diçka tjetër.
Përveç kësaj, gjatë këtij gjashtë mujori, unë jam aty me ju dhe për ju gjatë gjithë kohës. Gjatë gjithë kohës mund të më pyesësh dhe unë të drejtoj, të mbështes për zgjidhjen e problemit tënd. Brenda këtij grupi do kuptosh dhe provosh fuqinë e grave mbështetëse.

Pse të paguaj, kur mund ta marr informacione falas sa të duash online?
Po, sot ka shumë informacione online, por a janë të sakta? Kush i ofron këto informacione?
Me këtë trajnim keni gjithçka në një vend, ushtrime, njohuri, metoda profesionale nga të rejat më të fundit të vërtetuara shkencërisht, të vërtetura edhe në praktikë nga puna ime me klientin. Gjithashtu keni mbështetjen time gjashtë mujore, keni një grup zonjash të cilat kanë nisur të njëjtin udhëtim si ty, të vetëdijshme që ka ardhur koha për ndryshime në nivele të thella, të vetëdijshme që për të arritur këto ndryshime të thella, është e rëndësishme të shërohen plagët, është e nevojshme të jeni në kontakt me emocionet e brendshme, është domosdoshmëri të dini si të qetësoheni dhe të kujdesuni për veten duke e trajtuar atë me shumë dashuri. Me këtë trajnim ndaj se si të arrini këtë gjë, pavarësisht pengesave, çfarë ju vetë (nuk)bëni për të prishur marrëdhëniet dhe lidhjen me njerëzit që u rrethojnë. Shpesh nënat pjesëmarrëse në trajnimet e mia, kanë vendosur të bëhen pjesë për shkak të problemeve që kanë fëmijët apo me fëmijët e tyre. Në shumë raste janë komplet të pashpresa, por në fund ato kuptojnë atë që e them shpesh herë: “Fëmijët janë mësuesit tanë më të mirë”, sepse shpesh ata me problemet e ndryshme, na drejtojnë të kërkojmë ndihmë për të kuptuar fillimisht ata, gjë që na detyron të kthehemi nga vetja, tek funksionimi i sistemit tonë nervor, tek përvojat e kaluara që gjenden në trup, dhe si ato gjëra ndikojnë në jetën tonë tani dhe këtu. Por programi ofron shumë më tepër.

A do të funksionojë ky trajnim edhe për mua?
Njohuritë, ushtrimet, gjithçka që unë ndaj me ty vlen për të gjitha marrëdhëniet. Të gjitha ju që gjatë trajnimit jeni aktive, u garantoj që do përmirësoni gjithë marrëdhëniet në përgjithësi. Kur ndryshon modelet e tua të sjelljes, të bashkëveprimit, mënyrën e të menduarit, kjo gjë të ndihmon në çdo fushë të jetës tënde. Kur ndryshon diçka tek vetja, ti gjithmonë ndryshon jetën dhe realitetin tënd!

Po sikur të mos kem mbështetje nga familjarët e mi?
Atëherë ky trajnim është si me porosi për ty. Nëse nuk ke mbështetje dhe nuk e di ku të kërkosh informacione cilësore për zhvillimin personal, me ty ndaj mjaft materiale efikase, cilësore, të cilat të nevojiten për të ngritur një marrëdhënie të bukur dhe plotë dashuri me veten tënde. Gjithashtu, gjatë gjithë kohës që jemi bashkë, keni mbështetjen time dhe mbështetjen zonjave të tjera, sepse kemi pjesë të trajnimit ku u mësoj se si mund të ndihmoni njëra-tjetrën, dhe mbi të gjitha ju kuptoni që në këtë rrugëtim, nuk jeni vetëm.